FOYDALANISH SHARTLARI (OFERTA)

1.1. Platforma haqida

Maroqli.uz — O'zbekistondagi gamerlar, e-sport ishtirokchilari, kontent yaratuvchilar va game developerlar uchun yaratilgan raqamli ekotizim. Platforma quyidagi xizmatlarni taqdim etadi:

• O'yin do'koni (5% komissiya bilan mahalliy va xalqaro o'yinlar)
• E-sport turnirlari va musobaqalari tashkil etish
• Donat tizimi (streamerlarga qo'llab-quvvatlash)
• GameDev va Investor Hub (dasturchilarga investorlar bilan bog'lanish)
• Kontent ekotizimi (streaming, manga, animatsiya)
• Gaming klublar xaritasi va offline tadbirlar

1.2. Huquqiy asos

Ushbu shartnoma O'zbekiston Respublikasining Fuqarolik kodeksi, "Elektron tijorat to'g'risida" qonuni, "Shaxsga doir ma'lumotlar to'g'risida" qonuni va boshqa amaldagi qonun hujjatlariga muvofiq tuzilgan.

2.1. Ro'yxatdan o'tish shartlari

Platformadan to'liq foydalanish uchun ro'yxatdan o'tish majburiy. Ro'yxatdan o'tish uchun:

• 13 yosh va undan katta bo'lishingiz kerak (13-18 yosh oralig'idagilar uchun ota-ona roziligi talab etiladi)
• Haqiqiy va to'g'ri shaxsiy ma'lumotlar kiritish shart
• Bir shaxs faqat bitta asosiy hisob yaratishi mumkin
• Hisob ma'lumotlari (login/parol) shaxsiy maxfiy bo'lishi shart

2.2. Hisob xavfsizligi

Siz o'z hisobingiz xavfsizligi uchun to'liq javobgarsiz. Hisobingiz ruxsatsiz ishlatilganda darhol info@MAROQLI.uz manziliga xabar bering. Maroqli.uz hisobingizdan noto'g'ri foydalanish oqibatida yuzaga kelgan zararlar uchun javobgar emas.

2.3. Hisobni o'chirish

Istalgan vaqtda hisobingizni o'chirishingiz mumkin. Hisob o'chirilgandan so'ng barcha ma'lumotlar 30 kun ichida butunlay o'chiriladi. To'langan mablag'lar qaytarilmaydi (qaytarish siyosati 7-bo'limda).

3.1. Ruxsat etilgan faoliyat

Platforma faqat qonuniy va halol maqsadlarda ishlatilishi kerak:

• O'yin xarid qilish va o'ynash
• Turnirlar va musobaqalarda halol ishtirok etish
• O'z ijodiy kontentini (streaming, san'at, maqolalar) joylash
• Boshqa foydalanuvchilar bilan hurmatli muloqot
• Streamerlar uchun donat o'tkazish

3.2. Taqiqlangan faoliyat

Quyidagi harakatlar qat'iyan taqiqlanadi:

• Boshqa foydalanuvchilar haqida yolg'on, haqoratli yoki tahdidli kontent joylash
• Spam, aldov sxemalari va firibgarlik
• Mualliflik huquqi bilan himoyalangan kontentni ruxsatsiz joylashtirish
• O'yinlarda cheat, hack yoki bot ishlatish
• Turnirlar natijalarini soxtalashtirish yoki mansabdor shaxslarga pora berish
• Platforma infratuzilmasiga zarar yetkazish (DDoS, SQL injection va h.k.)
• Boshqa foydalanuvchilarning hisobini o'g'irlash yoki firibgarlik yo'li bilan olish
• 18+ kontent joylashtirish (tegishli bo'lim bo'lmagan holda)
• Siyosiy propaganda va din bilan bog'liq nizolarni keltirib chiqaruvchi kontent
• Bir nechta hisob yaratib, turnir afzalliklaridan noo'rin foydalanish

3.3. Kontent qoidalari

Foydalanuvchi tomonidan joylashtirilgan kontent uchun foydalanuvchining o'zi to'liq javobgar. Maroqli.uz shartlarni buzuvchi kontentni ogohlantirmasdan o'chirish, cheklash yoki moderatsiya qilish huquqini saqlab qoladi.

4.1. To'lov tizimlari

Platforma quyidagi mahalliy to'lov tizimlari bilan ishlaydi:

• Payme
• Click
• Uzum Bank

Barcha to'lovlar O'zbekiston so'mi (UZS) yoki ko'rsatilgan valyutada amalga oshiriladi. To'lov xavfsizligi tegishli to'lov operatorlari tomonidan ta'minlanadi.

4.2. O'yinlar do'koni va komissiya

Maroqli.uz game developerlardan 5% komissiya oladi — bu Steam (30%) va Epic Games (12%) bilan solishtirganda sezilarli darajada past. Developerlar o'z narxlarini o'zlari belgilaydi.

4.3. Donat tizimi

Foydalanuvchilar sevgan streamer yoki ijodkorlariga donat o'tkazishi mumkin. Donat mablag'larining 85% ijodkonga, 15% platforma operatsion xarajatlariga ajratiladi. Donat qaytarilmaydi.

5.1. Ishtirok shartlari

• Har bir turnir uchun alohida qoidalar e'lon qilinadi
• Ishtirokchilar yosh chegirmalari, reyting yoki boshqa talablarga javob berishi shart
• Ro'yxatdan o'tish muddati o'tgandan so'ng bekor qilish mumkin emas
• Turnir davomida platforma qoidalari va sport ahloq kodeksiga rioya qilish majburiy

5.2. Sovrinlar

Sovrinlar turnirgacha e'lon qilinadi. G'oliblar natijalar rasman tasdiqlangandan so'ng 14 ish kuni ichida mukofotlarini oladilar. Firibgarlik aniqlansa, sovrin bekor qilinadi va foydalanuvchi bloklanadi.

5.3. Nizolar

Turnir natijalariga e'tiroz bildirish uchun natija e'lon qilinganidan 48 soat ichida info@MAROQLI.uz manziliga murojaat qiling. Maroqli.uz qarorlari yakuniy hisoblanadi.

7.1. Raqamli mahsulotlar

Raqamli o'yinlar va kontent yuklab olinganidan so'ng, qoida bo'yicha, qaytarilmaydi. Istisno hollar:

• Texnik nosozlik tufayli mahsulot ishlamasa va bu platforma tomonida isbotlansa
• Xarid tasodifan ikki marta amalga oshirilgan bo'lsa (24 soat ichida murojaat qiling)

7.2. Turnir ro'yxatdan o'tish to'lovi

Turnir boshlanishidan 48 soat oldin bekor qilingan ishtirok uchun to'lov qaytariladi. Kechroq bekor qilinsa yoki ishtirokchi kelmasa, to'lov qaytarilmaydi.

9.1. Bloklash asoslari

Maroqli.uz quyidagi holatlarda hisobni vaqtincha yoki doimiy ravishda bloklab qo'yish huquqiga ega:

• Ushbu Foydalanish Shartlarini buzish
• O'zbekiston qonunchiligini buzish
• Boshqa foydalanuvchilarga zarar yetkazish
• Firibgarlik, aldov yoki turnirda soxtakorlik
• Platforma infratuzilmasiga hujum

9.2. Bloklashga e'tiroz

Hisobingiz bloklanganiga e'tiroz bildirish uchun info@MAROQLI.uz manziliga 10 kun ichida murojaat qiling. Har bir holat alohida ko'rib chiqiladi.